ရပ်အဆိုတော် Nicki Minaj တစ်ယောက် သူမရဲ့ဇာတိ New York မြို့တော်၊ Queens စီရင်စု မှာ ကြီးပြင်းလာတဲ့ဘ၀ကို အခြေခံထားတဲ့ နာရီဝက်ကြာ ဟာသဇာတ်မြူးဇာတ်လမ်းတွဲရဲ့ ရှေ့ ပြေးပထမအပိုင်းကို ရိုက်ကူးဖို့ ခွင့်ပြုလိုက်ပြီးဖြစ်ကြောင်း ABC Family ရုပ်သံလိုင်းက ကြေညာလိုက်ပါတယ်။
ယခုဆောင်းရာသီ၊ New York မှာ စတင်ရိုက်ကူးရေးစမယ့် ဒီ စီးရီးမှာ Nicki Minaj ကိုယ်တိုင် ပါဝင်သရုပ်ဆောင်မှာဖြစ်ပြီး ထုတ်လုပ်ရေးအပိုင်းမှာလည်း တာဝန်ယူသွားမှာ ဖြစ်တယ်လို့ သိရပါတယ်။
အသက် ၃၂ နှစ်ရှိပြီဖြစ်တဲ့ Minaj ဟာ ၁၉၉၀ ခုနှစ်မှာ သူမရဲ့ မိသားစုနဲ့ အတူ ထရီနီဒက်နှင့်တိုဘာဂို နိုင်ငံကနေ အမေရိကားကို ပြောင်းရွှေ့ အခြေချခဲ့တာဖြစ်ပါတယ်။ Minaj ဟာ အဆိုတော်လိုင်းကို မ၀င်ရောက်ခင်မှာ Manhattan ရဲ့ နာမည်ကျော် LaGuardia အထက်တန်းကျောင်းမှာ သရုပ်ဆောင်ပညာကို လေ့လာဆည်းပူးခဲ့ပါသေးတယ်။
“ ကျွန်မလုပ်ခဲ့ဖူးသမျှ နောက်ထပ် စိတ်လှုပ်ရှားစရာအကောင်းဆုံးစွန့် စားမှုတစ်ခုဖြစ်ပါတယ်။ ကမ္ဘာကြီးကို တကယ့်အမိုက်စားတစ်ခုချပြဖို့ အတွက် အတော်ဆုံးလူတွေနဲ့ လက်တွဲလုပ်ရမှာကို အရမ်းကို ဂုဏ်ယူ၊ စိတ်လှုပ်ရှားမိနေပါတယ်” လို့ Minaj က ပြောကြားခဲ့ပါတယ်။
Nicki Minaj ဟာ ၂၀၁၂ ခုနှစ် ကာတွန်းရုပ်ရှင်ကား ‘Ice Age: Continental Drift’ မှာ အသံပါဝင် သရုပ်ဆောင်ခဲ့ဖူးသလို တစ်ချို့ ရုပ်ရှင်ကားတွေမှာလည်း မကြာခဏ ဧည့်သည်သရုပ်ဆောင်အခန်းက ပါဝင်ဖူးတာမို့ သရုပ်ဆောင်အလုပ်က သူမအတွက် အခက်ကြီးမဟုတ်ပါဘူး။
( Ye Wint )
#သစ်ထူးလွင်(နာမည်ကြီးပုဂ္ဂိုလ်များ)
#celebrity.thithtoolwin.com
Ref: huffingtonpost
