ဆယ်ကျော်သက် မိန်းကလေးတို့ အသည်းစွဲ One Direction အဖွဲ့ဟာ မနှစ်ကတုန်းက တစ်နေ့ကို စတာလင်ပေါင် ၂ သိန်းခန့် ၀င်ငွေ ရရှိခဲ့တယ်လို့ သိရပါတယ်။
အမျိုးသားတီးဝိုင်းအဖွဲ့ 1D ဟာ ၂၀၁၄ ခုနှစ်မှာ စတာလင်ပေါင် ၇၃ သန်းကျော် ၀င်ငွေရှိခဲ့ပြီး အသားတင် အကျိုးအမြတ် တင် စတာလင်ပေါင် ၄၅ သန်း ကျော် ရရှိခဲ့တယ်လို့ သိရပါတယ်။
ဒီစာရင်းဇယား တွေဟာ မနှစ်က One Direction အဖွဲ့ရဲ့ အကွဲအပြဲတွေ မဖြစ်ပေါ်ခင်က နောက်ဆုံး နယ်လှည့်ဖျော်ဖြေပွဲတွေအပြီးမှာ တွက်ချက်ထားတဲ့ ၀င်ငွေတွေပဲဖြစ်ပါတယ်။ အခုလည်း Louis Tomlinson နဲ့ Harry Styles တို့ရေးသားထားတဲ့ သီချင်းတွေပါဝင်မယ့် အယ်လ်ဘမ် အသစ်ကိုလည်း ထုတ်လုပ်လိုက်ပြန်တဲ့အတွက် နှစ်သစ်ကူးမတိုင်ခင်မှာ ၂၀၁၅ ခုနှစ်အတွက် ၀င်ငွေတွေ တိုးပွားလာဦးမှာဖြစ်ပါတယ်။
One Direction အဖွဲ့ဟာ အယ်လ်ဘမ် အခွေ အချပ်ရေပေါင်း ၄၅ သန်းကျော်ရောင်းချထားခဲ့ပြီးဖြစ်သလို ၂၀၁၁ ခုနှစ်ကနေစတင်ပြီး ဧရာမ နယ်လှည့်ဖျော်ဖြေပွဲတွေ ၄ ကြိမ် လောက်ကျင်းပခဲ့ပြီးပါပြီ။ ၂၀၁၃ ခုနှစ်တုန်းကလည်း သူတို့အဖွဲ့ဟာ စတာလင်ပေါင် ၄၉ သန်းခန့် ၀င်ငွေရှိခဲ့သလို အကျိုးအမြတ်တင်ပဲ ၄.၇ သန်းခန့် ရရှိခဲ့ပါသေးတယ်။
အသက် ၂၂ နှစ်အရွယ် Liam Payne ၊ အသက် ၂၁ နှစ်အရွယ် Harry Styles ၊ အသက် ၂၂ နှစ်အရွယ် Niall Horan နဲ့ အသက် ၂၃ နှစ်အရွယ် Louis Tomlinson စတဲ့ လက်ကျန် အဖွဲ့ဝင် ၄ ဦးဟာ အဖွဲ့ထဲက ထွက်ခွာသွားတဲ့ အသက် ၂၂ နှစ်အရွယ် Zayn Malik ကို သူ့ရဲ့ ၂၀ ရာခိုင်နှုန်း ဝေစု ကို ခွဲပေးဖို့ အကြွေးကျန်နေပါသေးတယ်။ ဘာကြောင့်လဲဆိုတော့ Zayn ဟာ ပြီးခဲ့တဲ့ မတ်လ အထိ 1D အဖွဲ့ဝင် ဖြစ်နေသေးလို့ပါ။
ထွက်ပေါ်ထားတဲ့ သတင်းတွေအရတော့ Harry Styles ဟာ လော့အိန်ဂျလိစ် မှာ စတာလင်ပေါင် ၆ သန်း တန်တဲ့ နေအိမ်တစ်လုံး နဲ့ လန်ဒန်မြောက်ပိုင်းမှာ စတာလင်ပေါင် ၃ သန်း တန်တဲ့ အိမ်တစ်လုံးကို ၀ယ်ယူထားပြီးပါပြီ။ Louis Tomlinson ကတော့ Harry Styles ရဲ့ နေအိမ်နားမှာပဲ စတာလင်ပေါင် ၂.၂၅ သန်း တန်တဲ့ အိမ်တစ်လုံးကို ၀ယ်ယူထားပြီး Niall Horan ကတော့ Hertfordshire မှာ ပေါင် ၁ သန်းတန် အိမ်တစ်လုံး နဲ့ လော့အိန်ဂျလိစ် မှာ Kardashian မိသားစုတွေ နေအိမ်နဲ့ နီးတဲ့ ပေါင် ၁.၅ သန်းတန် အိမ်တစ်လုံးတို့ကို ၀ယ်ယူထားတယ်လို့သိရပါတယ်။ Liam ကတော့ Surrey မှာ ပေါင် ၅.၁ သန်း တန် အိမ်တစ်လုံးကို ၀ယ်ယူထားပါတယ်။
( Mario )
#သစ်ထူးလွင်(နာမည်ကြီးပုဂ္ဂိုလ်များ)
#celebrity.thithtoolwin.com
Ref : Mirror
