နောက်တစ်ပတ်ထဲမှာ ထွက်ရှိမည့် Anthony နှင့် Joe Russo တို့ရဲ့ Captain America: Civil War ဇာတ်ကားဟာ Robert Downey Jr. အတွက် Tony Stark အဖြစ်ပါဝင်ခဲ့တဲ့ (၇) ကားမြောက် ရုပ်ရှင်ဇာတ်ကားကြီးဖြစ်ပါတယ်။ Downey က နောက်နှစ်နွေရာသီမှာ ထွက်ရှိမည့် Spider-Man: Homecoming ဇာတ်ကားမှာလည်း Iron Man အဖြစ်ပါဝင်မှာဖြစ်ကြောင်း အတည်ပြုပြီးသွားပါပြီ။
Civil War ဇာတ်ကားအတွက် ABC သတင်းဌာနရဲ့ သတင်းပို့ချက်အရ အကယ်မီဆုစကာတင်စာရင်း နှစ်ကြိမ်ဝင်ခဲ့တဲ့ Downey က Iron Man 4 ဇာတ်ကားကို ကြည့်ရှုရဖွယ်ရှိကြောင်း ပြောခဲ့ပါတယ်။
“ကျွန်တော် တစ်ကားလောက်တော့ ထပ်ရိုက်နိုင်သေးတယ်လို့ ခံစားရပါတယ်” လို့ Iron Man 4 ဇာတ်ကားရဲ့ ဖြစ်နိုင်ခြေကိုမေးတဲ့အခါမှာ Downey က ပြောပါတယ်။ Iron Man 4 ဇာတ်ကားဖြစ်နိုင်ခြေရှိတယ်ဆိုတာနှင့် သေချာပေါက်ဖြစ်မယ်လို့တော့ပြောလို့မရပါဘူး။
၂၀၁၄ ခုနှစ်တုန်းကလည်း Downey က Iron Man 4 ဇာတ်ကားကို ရိုက်မယ်လို့ The Ellen DeGeneres Show မှာပြောကြားခဲ့ပါတယ်။
နောက်ပိုင်းမှ Iron Man 4 ဇာတ်ကားလို့ သေချာပေါက်ပြောတာမဟုတ်ဘဲ Civil War ဇာတ်ကားမှာ ပြန်ပါမှာဖြစ်ကြောင်း ရှင်းလင်းပြောကြားခဲ့ပါတယ်။
( RII )
#သစ်ထူးလွင်(နာမည်ကြီးပုဂ္ဂိုလ်များ)
#celebrity.thithtoolwin.com
Ref : Comingsoon
