Demi Lovato ရဲ့ သီချင်းသစ် 'Tell Me You Love Me' ရဲ့ ဗီဒီယိုမှာ ABC ရုပ်သံရဲ့ သရုပ်ဆောင် Jesse Williams က Lovato ရဲ့ ချစ်သူအဖြစ် သရုပ်ဆောင်ထားတဲ့အတွက် Grey's Anatomy ဇာတ်လမ်းတွဲ အပိုင်းတိုလေးကို ကြည့်နေရသလိုခံစားရမှာဖြစ်ပါတယ်။
၇ မိနစ်ကြာမြင့်တဲ့ ဗီဒီယိုတစ်လျှောက်လုံး အခြေအနေတင်းမာနေပြီး Lovato နှင့် Williams တို့ရဲ့ သရုပ်ဆောင်မှုတွေကို ကြည့်ရတာ သူတို့နှစ်ယောက် အပြင်ဘဝမှာ တကယ့်စုံတွဲအစစ် မဟုတ်ဘူးဆိုတာတောင် ယုံရခပ်ခက်ခက်ပါပဲ။ ပထမဆုံး ၂ မိနစ်နှင့် တစ်ဝက်မှာ သီချင်းဗီဒီယိုကို ကြည့်နေတယ်ဆိုတာကိုတောင် မေ့သွားမှာပါ။ Williams က ချစ်ခွင့်ပန်ပြီး Lovato က သူမရဲ့ လက်စွပ်အသစ်ကို FaceTimes လုပ်ပြီး သူငယ်ချင်းတွေကို ကြွားပါတယ်။
သဝန်တိုမှုကြောင့် ဖြစ်ပေါ်လာတဲ့ ငြင်းခုံမှုတွေကြောင့် အချစ်ဇာတ်လမ်းမှာ အထစ်ငေါ့တွေဖြစ်လာပြီး Lovato နှင့် Williams တို့ရဲ့ မင်္ဂလာဆောင်ကို ချီတုံချတုံဖြစ်စေပါတော့တယ်။ သီချင်းစဝင်လာတာနှင့်အတူ မင်္ဂလာဆောင်နေ့ကို ရောက်လာပါပြီ။ Lovato က Lazaro ဂါဝန်ကို ဝတ်ဆင်ပြီး လျှောက်လမ်းမှ လျှောက်လှမ်းလာစဉ်မှာ သူတို့ရဲ့ ထိခိုက်လွယ်တဲ့ ချစ်သံယောဇဉ် အခိုက်အတန့်လေးတွေကို နောက်ကြောင်းပြန် ပြကွက်တွေနှင့် ပြသထားပြီး ခံစားချက်ကို ဗြောင်းဆန်စေပါတယ်။
“ကျွန်မ အခုထိရိုက်ခဲ့သမျှ ဗီဒီယိုတွေထဲမှာ အကြိုက်ဆုံးထဲက တစ်ခုပါ” လို့ပြောထားတဲ့ ဒီဗီဒီယိုထဲမှာ Lovato က ပျော်ရွှင်စွာနေထိုင်သွားရမှာလား? အဖြေကိုတော့ 'Tell Me You Love Me' သီချင်းဗီဒီယိုထဲမှာ ရှာဖွေကြည့်လိုက်ပါ။
RII
#celebrity.thithtoolwin.com
Source: Billboard
